Радовишка фирма измамена од британски хакери, место во лондонска фирма 240 илјади евра завршиле кај нив

627

Радовишката полиција до Основното јавно обвинителство во Струмица поднесе кривична пријава против четири лица државјани на Велика Британија за комјутерска измама  казниво по член 251-б став 3 од Кривичниот закон на Македонија.  Четирите лица се сомничат дека за периодот од август до декември минатата година извршиле неовластен упад во електронска комуникција на правни субјекти од Радовиш и Лондон кои имале деловна соработка. Со упадот тие вршеле пренасочување на комјутерските податоци  и со доставување лажни фактури  ја натерале радовишката фирма, место на лондонската фирма, да уплати околу 240 илјади евра на нивните сметки

,,Осомничените во повеќе наврати извршиле неовластен упад во електронската комуникација помеѓу правен субјект од Радовиш и правен субјект од Лондон и со менување и прикривање, односно пренасочување на компјутерски податоци доставиле лажни фактури на кои извршиле промена на сметката на која требало субјектот од Радовиш да изврши уплата . Врз основа на вака изготвени лажни фактури правниот субјект од Радовиш извршил 4 уплати на различни сметки во банки во Велика Британија, за кои преку меѓународна правна помош е утврдено дека се сопственост на четворицата осомничени од Велика Британија. Со стореното дело осомничените се стекнале со противправна имотна корист во висина од 15.006.000 денари, на штета на правниот субјект од Радовиш,, стои во информацијата од СВР Струмица

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.