Агрометеоролошките станици кои ги постави Центарот за развој на Југоисточниот плански регион во сите 10 општини во овој дел на државата почнаа да функционираат и да дават податоци на земјоделците за временските услови за наредните десет дена, и врз база на истите да можат да ги заштитат своите посеви и насади. Станува збор за станици кои беа инсталирани со средства од Швајцарската амбасада и Министерството за локална самоуправа преку проектот “Одржлив и рамномерен регионален развој’’ а за кои позитивно се изјаснија жителите од овој регион на регионален форум.
Во присуство на амбасадорката на Швајцарија во земјава Сибил Зутер, министерот за локална самоуправа Горан Милевски, претседателот на Советот за развој на Југоисточниот плански регион Коста Јаневски, градоначалници од овој дел на државата, фармери и средношколци беше промовирана работата на агро метео станицата во атарот на населените места Ангелци и Градашорци во општина Василево, по кој принцип ќе работата и останатите станици во Југоистокот.
,, Видовме како функционираат метеоролошките станици и убедена сум дека локалните фармери ке имат корист од нив со тоа што ќе ги зголемат приносите на своите посеви а истовремено ќе ги намалат производствените трошоци’’ рече амбасадорката на Швајцарија во земјава Сибил Зутер
Министерот за локална самоуправа Горан Милевски подвлече дека овој пример со агрометеостаниците во Југоистокот треба да го следат и другите плански региони оти се во функција на земјоделците. Фармерите во секое време од денот ќе ги гледат временските промени и врз основа на истите ќе дејствуваат кај посевите независно дали се со градинарски култури или лозови и овошни насади бидејки наскоро ќе има и симулациски податоци за можна појава на болести.
Податоците од поставените агрометеоролошки станици, фармерите од Југоистокот може да ги следат преку мобилната апликација ,,meteobot’’ или директно на веб страницата www.agrojug.mk . Таму се обележани сите 23 станици и фармерите во зависност од кој реон се, со обични кликнување на најблиската станица може да ги гледат резултатите но и сугестиите како да го заштитат своето производство.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
