,,Проагро фармери’’ организира Агросаем во Струмица за директна средба на фармерите и фирмите за модерно земјоделско производство

551

Триесетина фармери и фирми кои нудат механизација и производи за поквалитетно земјоделско производство ќе бидат дел од првиот Aгросаем во Струмица што го организира здружението Проагро фармери а ќе се одржи во петок и сабота. Целта на овој саем е да се промовираат градинарските производи,  но и новата технологија, репроматријали и механизација за модерно и поквалитетно земјоделско производство.

,, Со овој саем очекуваме зголемена употреба на нови начини на производство, зголемен интерес кај фармерите за замена на старата механизација, на нови и попродуктивни видови семиња, ѓубрива, заштитни средства,, кажа Борче Јанев од здружението ,,Проагро фармери” кое  во изминатиот период одржаа и низа едукативни работилници кај градинарите во струмичките села за бенефитите од примена на нови современи методи на земјоделско прозоиводство.

Јанев истакна дека 100 тина градинари од овие работилници во Банско, Робово и Муртино  почнаа да применуваат нови начини и технолгоии на производство а дополнително зголемен е интересот за владините мерки за поддршка како што се млад замјоделец, поддршката 50 50 за набавка на механизација

Општина Струмица очекува преку овој саем да се анимира земјоделското производство како адут на ова средина за локален економски развој.

,,Иако аграрот не спаѓа во ингеренциите на локалната самоуправа, во овој проект со свои буџетски средства учествува и Општина Струмица, поаѓајќи од фактот дека земјоделството е гранка од која егзистира најголемиот број од населението во нашата општина и воопшто во Струмичкиот регион.  Се надевам дека претстојниот саем со очекуваните бенефити ќе го оправда своето постоење и дека свој интерес во него ќе најдат и земјоделските производители и фирмите од областа на земјоделството и преработувачката индустрија,, кажа граодначалникот Јаневски

Агросаемот е дел од проектот ,,Модерно и квалитетно произвдоство кај градинарите во Банско, Муртино и Робово” што го финансира ЕУ преку регионалната програма за локална демократија, спроведувана од програмата за развој на ООН.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.