Александар Васовски ке ја превземе функцијата шеф на стручниот штаб на Академија Пандев откако Ѓорге Стојчев во неделата си поднесе оставка по поразот од Струга на домашен терен. Според информациите од клубот Васоски во Струмица треба да допатува вечерва а веќе утре во претпладневните часови да го има првиот тренинг со пандевци. Негов помошник ќе биде Бојовиќ. Тие во недела ќе го водат тимот на Академија Пандев на гостувањето во Кавадарци против Тиквеш
Ова не е првпат Васоски да го води тимот на Академија Пандев. Тој дојде на местото на Југослав Тренчовски во декември 2020. Васоски го водеше тимот до јануари 2022 кога на стартот на подготовките за пролетниот дел од минатата сезона замина во Сараево.
Стојчев под чие водство Академија Пандев по втор пат излезе во фудбалска Европа, си даде оставка во неделата откако со 3:0 загубија од лидерот Струга. На своето конто струмичани од 6 кола имаат две победи едно реми и три пораза.
,,Сакам да се заблагодарам на сите играчи, стручниот штаб, сопственикот Горан Пандев како и на сите луѓе во клубот со кои работев. После третиот пораз на домашен терен јас како тренер ја превзедов одговорноста. Беше вистински предизвик да се работи овие 12 години од најмалата возраст па се до сениори. Задоволен сум што можев да ја работам работата што ја сакам, среќен за ланската вицешампионска титула и излезот во Европа. Посакувам многу среќа и успеси на клубот во иднина,, напиша Стојчев по оставката на својот ФБ профил
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
