Каратистот Спасе Стојанов член на КК „Шихан“ од Струмица деновиве на меѓународен турнир во Копер Словенија се закити со две злата и една бронза. Тој настапуваше во дисциплините џиу кумите – слободна борба како и во ко-го кумите во кои беше неприкосновен. Во сите борби забележа победи додека во третата дисциплина освои бронза. На турнирот учествува каратисти од Словенија и Италија.
Со ова Стојанов ја покажа својата подготвеност пред Европското првенство во Порто – Португалија кое стартува оваа недела, каде ќе ги брани боите на Македонија преку Македонската традиционална карате федерација.
,,За Европското првентство се подготвувам цело лето, имав напорни кондициски и тактички тренинзи. Мислам дека сум во добра форма. Турнирот во Копер беше последниот тест . Очекувам медал на Европското на кое ќе има силна конкуренција со оглед на пријавените натпреварувачи. Ќе дадам се од себе да ја претставам Македонија, но и Карате клубот Шихан од Струмица во најдобро светло“, ни изјави Стојанов
Спасе Стојанов кој докторира докторира по фарамацевтски науки во Словенија е во врвот на македонското карате. Тој беше избран и за спортист на Струмица во категоријата индивидуален спорт.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
