Патеката до манастирот Св. Ѓорѓи кај Валандово ќе стане туристичка атракција

1674

Центарот за развој на Југоисточниот плански регион склучи договор со струмичката фирма ,,Пешо инженеринг’’ која понуди најниска цена за реализација на  проектот ,,Туристичка патека од природата до културата на планината Плавуш’’ кај Валандово во висина од 134 илјади евра- средства кои се обезбедени од Бирото за регионален развој.  Со овие средства се очекува проширување и реконструкција на постоечкиот пат од  Валандово до манастирот ,,Св.Ѓорѓи’’ со формирање паркинг зони и осветлување на целата траса, поставување павиљони со различни визури, изградба на трим патека, забавен парк за деца и уредување на просторот околу манастирот.

Според договорот, сите градежни активности треба да завршат до март идната година со цел патеката со сите урбани пропратни елементи бидат во функција за развој на туризмот. На овој потег треба да има тротоар патека од изворот ,,Св.Петар и Павле’’ до ,, Кафољ’’,  три летниковци, детско забавно игралиште од природни матријали со кукичка, лулашки, трамболина, тобоган – игралиште кое ќе биде наменето и за деца со посебни потреби. Покрај патеката која ќе биде осветлена со канделабри на одредени локации ќе има справи за фитнес и гимнастика но и клупи за одмор и корпи за отпад.

Станува збор за проект кој се реализира преку Центарот за развој на Југоисточниот плански регион и општина Валандово за кој Советот на градоначалници пред нова година на седница дадоа зелено светло како втор приоритетен проект за реализација во ова 2019 година за овој дел на државата.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.