Парично казнет возачот кој со голф возеше по струмичкото корзо а се објави на социјалните мрежи

472

Струмичката полиција го откри и парично казни возачот кој со патничо моторно возило се движеше по струмичкото корзо од големиот градски парк до плоштадот Гоце Делчев а притоа видеото го објави на социјалните мрежи. Станува збор за 23 годишно момче од населеното место Градашорци кој управувал патничко моторно возило голф

,,Полициската станица за безбедност на патниот сообраќај Струмица, постапувајќи по пријава за претходно објавени снимки на социјалните мрежи, според кои патничко возило се движи на места определени за пешаци по ул.”Благој Ј.Мучето” и на плоштадот “Гоце Делчев”, по преземени мерки и активности ги пронашле возачот и возилото.  Притоа било констатирано дека станува збор за Н.А.(23) од с.Градашорци кој управувал патничко возило “голф”, со струмички регистарски ознаки. За непочитување на законските прописи против Н.А. се изречени соодветни платни налози,, стои во информацијата на МВР

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.