Општина Василево набави нов камион за ЈП Турија за ефикасно и редовно собирање на сметот и да се намалат дивите депонии

2121

Oпштина Василево набави нов камион за собирање смет за потребите на Јавното комунално претпријатие „Турија“, со што се отвора можноста за целосно покривање на населените места за испорака на редовна услуга кога станува збор за собирање и транспорт на комуналниот отпад од домакинствата. Станува збор за возило со капацитет од 5,5 кубни метри отпад кое општината го набави преку проектот за подобрување на општинските услуги  финасиран со заем од Светска Банка.

„Наша определба е еколошки здраво и чисто опкружување што е предуслов за подобрување на квалитетот на животот и економскиот развој на општината. Токму поради како општина вложува во зајакнување на капацитетот на јавното комунално претпријатие, во чија сопственост ќе биде овој камион со капацитет од 5,5 м3 и. Со неговото ставање  во употреба и постоечките две ќе обезбедиме поквалитетно и поефикасно извршување на услугата собирање отпад;  ќе го  зголемиме опфатот, количеството и редовноста во собирањето отпад со што  ќе се намали бројот на диви депонии и загадувањето на животната средина“, информираше градоначалникот Марјан Јанев

Во моментот со собирањето на смет целосно се опфатени населените места: Василево, Ангелци, Градашорци, Сушево, Владевци и Пиперево а  делумно Радичево и Дукатино како и правните лица од Нова Маала и Добрашинци, или во бројки околу 1680 домаќинства и околу 130 правни лица.

Според информациите од в.д директорот на ЈПКД „Турија“, Василево, Зоранчо Ѓеорѓиев, со ставањето во употреба на новиот камион, во  најскоро време  услугата „собирање смет“  ќе биде проширена и во населените места кои досега не беа опфатени во системот на организирано собирање, а таму каде што опфатеноста беше делумна, услугата ќе биде проширена на сите домаќинства.

Средствата за набавка на возилото во износ од 4 370 000 ден. Oпштина Василево ги обезбеди преку кредит, во рамки на Проектот за подобрување на општинските услуги  финасиран со заем од Светска Банка. Отплатата на истиот треба да заврши во 2022 година.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.