Општина Босилово бара АД Водостопанство да го санира и исчисти речното корито на Струмица

287

Центарот за управување со кризи ќе проверува зошто затаи АД Водостопанство во однос на чистење и санирање на речното корито на ,,Струмица,,  која пред десетина дена се излеа и поплави десетици хектари обработливо земјиште но и околу 30 тина објекти. Општина Босилово уште на почетокот на ноември реагирала и побарала механизација на Водостопанство да излезе на терен и да го санира речното корито на повеќе места.

,, Станува збор за четири критични точки на река Струмица каде корито е однесено. Со допис алармиравме на 9 ти Ноември и побаравме да се превземат мерки за санација и чистење, но одговор сеуште нема. Освен на Струмица побаравме и санација на река Јазга. Чистењето на овие речни корита не е во надлежност на општината но сме подготвени да интервенираме и да помогнеме со целиот наш потенцијал, како што реагиравме за време на поплавите пред десетина дена,, кажа градоначалникот на Босилово Ристо Манчев

Местата каде е однесено коритото на река Струмица ги посети и првиот човек на ЦУК Стојанче Ангелов. Ќе инсистира на одговор зошто и покрај укажувањето од општина Босилово дека неколку позиции од речното корито се оштетени не излегле на терен. Според него сите институции вклучени во Системот за управување со кризи мора да интеревенираат за да нема последици од излевање на реките кои треба контуинирано да се чистат од вегетација и наноси.

Од подружницата на Водостопанство во Струмица соопштија дека располагаат со ограничени средства и овој проблем е системски во кој треба да се вклучат повеке страни. Како што не информираше директорот Лазар Ѓеоргиев за критичните точки тие алармирале уште летово при што се формирала комисија и се барале средства .

,,  За ангажирање на механизација за чистење и санација на речното корито на Струмица потребни се средства кои како претпријатие ги немаме. Не дека не интервениравме кога се случја поплавите но ова е системски проблем кој се провлекува со години и во кој треба да се вклучат повеќе субјекти. Летово се формираше комисија со преставници на Водостопанство, АРМ, Центарот за заштита и спасување, Центарот за управување со кризи , општината и ги детектиравме точките но пари за интервенција никој не обезбеди. Паралелно сакам да упатам и апел до месното население да не фрлаат отпад по речните корита ниту пак да црпаат земја и песок. Сето тоа го нарушува водотекот нареката,, вели Ѓеоргиев

Речното корито на Струмица последен пат беше чистено во 2016 година преку проект на Центарот за развој на Југоисточниот плански регион а средствата беа обезбедени преку од ЕУ и УНДП. Беше исчистен потег од околу 20 километри во општините Василево Босилово и Ново Село при што целито проект се одвиваше во пет етапи а беа потрошени околу милион евра за реконструкција на сливот на река Струмица како дел од Програмата за санација на штетите од поплавите кои го зафатија струмичкиот регион во 2015 тата.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.