Цената на горивата од ноќеска на полноќ се зголемува за 2,5 до 3 денари за литар, одлучи денеска Регулаторната комисија за енергетика (РКЕ). Зголемувањето на цените во просек за 8,50% како што соопштија од Регулаторна се должи заради зголемената цена на нафтата на светскиот пазар но и повисокиот курс на доларот
Според новиот ценовник објавен од РКЕ, малопродажната цена на бензинот ЕУРОСУПЕР БС-95 се зголемува за 3,00 денари по литар и од вечерва на полноќ ќе изнесува 57,50 ден. Бензинот ЕУРОСУПЕР БС-98 поскапува за 2,50 денари по литар и ќе чини 59,50 денари.
Исто така за 2,5 денари се зголемуваат и малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1), па така ЕУРОДИЗЕЛОТ ќе се продава за 49,50 денари по литар а Екстра лесното масло за 37,5 денари.
Малопродажната цена на мазутот М-1 НС се зголемува за 3,929 ден/кг во однос на цената утврдена со Одлуката од 18.05.2020 година и со тоа малопродажната цена на мазутот М-1 НС изнесува 23,427 ден/кг.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
