Нов позитивен на Ковид-19 во струмичко, за последните 24 часа во земјава 147 новозаболени лица

653

Во последните 24 часа регистрирани се 147 нови случаи позитивни на ковид-19 a направени сe 1.296 тестирања соопшти Министерството за здравство. И во изминатото деноноќие најмногу заболени има во Скопје и тоа 64 лица. Во Куманово се евидентирани Куманово 8, Штип 6, Прилеп 3, Тетово 16,  Струга 7,  Велес 5, Битола 4, Охрид 5, Гостивар 9, Струмица 1, Крива Паланка 1, Кочани 1, Пробиштип 1, Кратово 1, Свети Николе 7, Кичево 4, Ресен 4.

Според информациите од Центарот за Јавно здравје од Струмица новиот заболен што се води во Струмица е 71 годишен маж од населеното место Дабиље кој веќе имал допирни точки со веќе позитивен од коронавирус. Од епидемиолошките контакти на жената од Василево која завчера излезе позитивна, како што кажаа од Центарот околу 20 лица се ставени во изолација. Од таму апелираа до сите да се придржуваат кон мерките конкретно да се одржува дистанца, да се носат заштитни маски и да има честа дезинфекција. Во моментов во Струмица и регионот има 9 активни случи на позитивни на ковид -19.

Според Министерството за здравство во последните 24 часа, починати се 6 лицa по компликации од коронавирус за изминатото деноноќие, и тоа тројца пациенти од Скопје, еден од Куманово, еден пациент од Штип и еден од Берово. Од министерството информираа дека оздравени се 111 пациенти од: Скопје-56, Штип-7, Тетово-36, Велес-2, Битола-3, Гостивар-1, Гевгелија-2, Струмица-1, Свети Николе-1, Ресен-2.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.