Нова победа на второлигашот Струмица, славеше над Спарта во Скопје – кош шоу на Абрашев и Димитриев

1628

Тимот на КК ,,Струмица”  кој се натпреварува во источната Втора лига забележа нова победа со која остануваат во игра за камбек во елитата. Славеа над ,,Спарта” во Скопје со 82:77  со што ја забележаа 5 тата победа во ова натпреварување и со бод помалку се зад ,,ТФТ” со кого силите ќе ги одмерат во претпоследното коло, меч кој ќе биде клучен во желбата за повисок ранг за натпреварување.

Избраниците на Зетов, Цикарски и Настев лошо го почнаа натпреварот за што зборува резултатот во првиот период 23:15. Осумте поени разлика ,,Спарта” ја одржуваше и до крајот на првото полувреме. Струмичани на сцена настапија во третиот период кога буквално ја подигнаа одбраната а ја подобрија значително и реализацијата. За 10 минути не само што ја анулираа негативата туку дојдоа и дојдоа до предност против домаќините. Третиот период го добија со 26:12 а предноста ја сочуваа до финишот од средбата за конечни 82:77

Најефикасни во екипата на Струмица беа Драган Абрашев кој уфрли дури 31 поен и Блаже Димитриев кој постигна одлични 25 поени. Тодор Божинов реализираше а 12, Макенаџиев 10 и Ѓоргиев 4. Следното коло струмичани се слободни.Наредното го играат на 28 декември дома против ТФТ за освојување на првото место.

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.