Министерот за земјоделство Лупчо Николовски од Валандово најави дека до крајот на годината преку Светска Банка ќе бидат доделени 20 милиони евра за изградба на откупно дистрибутивни центри за овошје и зеленчук. Станува збор за проект што министерството за земјдоелство го работи со Светска Банка за модернизација на земјоделството и ќе биде во функција на подобрување на условите во македонскиот аграр
,, Со Светска Банка работиме на проект на целосна модернизација на земјоделството, проект што до крајот на годината ќе овоможи нови 35 милиони евра за развој. Од нив 20 милиони евра ќе бидат наменети за изградба на откупно диструбитивни центри . Не можеме да ги промениме работите за ден или два, но макотрпно работиме да ги решиме проблемите на земјдоелците и предизвиците пред нив” кажа министерот за земјоделство Лупчо Николовски
Тој истакна дека идниот месец во соработка со Факултетот за земјоделство и храна ќе биде презентирана анализата што ја побара МЗШВ во кои општини и места треба да се подигаат откупно дистрибутивни центри и ладилници во државата
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
