Наскоро ново сообраќајно решение со семафори на крстосницата кај Автобуската во Струмица

2771

Струмички Дигитал во наредниот период треба да набави и изврши монатажа на светлосна  сообраќајна и вертикална сигнализација по проектираното сообраќајно решение на крстосницата помеѓу булеварот ,,Климент Охридски’’ и улицата ,,Братство и Единство’’ конкретно на крстосницата кон автобуската во Струмица. По распишaната јавна набавка од Општина Струмица, фирмата Дигитал достави најниска цена, па набавката и поставувањето на светлосната и вертикална сообраќајна сигнализација ќе чини 18 800 евра

Според техничката спецификација, на овој потег, во делот на светлосната сообраќајна сигнализација треба да бидат поставени четри полупортални поцинкувани семафоски и два обични семафроски столба но и 30 тина лед лантерни-возачки и пешачки со попратаната опрема. Во делот на вертикалната сообраќајна сигнализација на крстосницата меѓу булеварот ,,Климент Охридски’’ и улицата ,,Братство и Единство’’ треба да бидат поставени и 13 тина сообраќајни знаци и уште толку патокази.

Според склучениот договор пред Нова година, реализацијата на овој проект треба да биде во рок од 40 дена по претходен налог од одговорното лице, задолжено за реализација на истиот и по извршување на сите припремни работи од страна на договорениот орган

Овој проект беше најавен во октомври 2020 тата со цел поголема безбедност во сообраќајот на овој потег во Струмица.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.