8 годишната Надица Велкова од ШК „Цареви Кули“ од Струмица членка на Македонската репрезентација во шах, ја забележа првата победа на Европското шаховско првенство за деца што се одржува во Романија. Девојчето од населеното место Моноспитово општина Босилово, успеа да ја надмудри Алики Чачали од Грција. Повеќе од два часа траеше надмудрувањето во партијата со преставничката на Грција во која какако победник излезе членката на Шаховскиот клуб од Струмица.
Ова е прва европска победа на преставник на ШК Цареви Кули од Струмица кој постои неполни три години и е потврда за посветената работа со шаховскиот потенцијал што го има Струмичкиот регион. Претходно Надица ремизираше против црногорката Василија Митровиќ по три и половина часа игра и по поразот одизраелката Брит Фајр со кого се надмудруваше речиси 3 часа.
Велкова на ЕП во шах учествува благодарение на освоеното второ место на Државното првенство во Струга додека Мартин Велков, Ина Крумова и Јован Вукашиновиќ се стекнаа со прав на учество на Светското првенство во Египет идниот месец.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
