Реакции од СОНК откако деновиве до училиштата од Министерството за образование стасало известување дека ќе мора да се одработуваат изборните денови 24 април и 8 мај за да се исполни одредбата од Законот со кој учебната година се остварува во 180 наставни денови.
,,Од кога неработните денови преку ноќ стануваат работни“ прашува претседателот на СОНК Јаким Неделков, објавувајќи го известувањето од МОН според кое деновите на одржување на изборите, 24 април и 8 мај, кои беа прогласени за неработни, да се одработат други денови.
„Со цел да се исполни одредбата од Законот со кој учебната година се остварува во 180 наставни денови, а притоа да не се продолжи учебната година, деновите кога се одржуваат изборите ќе се надоместат со организирање на настава во следните денови: – 18 мај (сабота) со часови од денот 24 април 2024 година и 1 јуни (сабота) со часови за денот 8 мај 2024 година“ стоело во известувањето од Министерството за образование
ОН вчера информира дека 23 април и 7 мај, односно деновите пред гласањето ќе бидат работни за сите училишта при што, во училиштата во кои ќе се одвива изборниот процес, наставата ќе се реализира од со скратени наставни часови.
-Потсетуваме дека наставната година за учениците од средните училишта трае до 10 јуни, додека за учениците од основните училишта до 17 јуни, додадоа од МОН.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
