Млади волонтери на Црвен Крст од Македонија, Бугарија и Србија, на Беласица учеа вештини како да спасуваат во планина

872

Волонтери на Црвениот крст од земјава но и од Бугарија и Србија учествува на меѓународната едукативна работилница ,, Спасување на планина ‘’ што се одржуваше изминатиов период на планината Беласица. Работилницата беше во организација на Општинската организација на Црвениот крст од Струмица а во соработка со планинарскиот клуб Ентузијаст од Струмица но и Дирекцијата за заштита и спасување и Регионалниот центар за управување со кризи

Околу 50 тина млади лица имаа можности да се едуцираат како да дадат прва помош при несреќа во планина. Паралелно имаше и предавања на тема ,, Ризици и опасности во планински предели’’  но и како да направат ориентација за побрзо симнување од планина до првата најблиска урбана средина се со цел да се помогне или спаси одреден човечки живот

,,Учествуваа  вкупно 54 млади волонтери на Црвениот крст од Струмица, Битола, Валандово, Велес, Виница, Гази Баба, Гостивар, Куманово, Кочани, Кичево, Неготино, Охрид, Пробиштип, Св.Николе, Тетово, Чаир и Штип. Беа поканети и учествуваа волонтери од Црвен крст Благоевград од Бугарија но и од Црвен крст Раковица од Србија.  Работилницата се одвиваше на планината Беласица во планинарскиот дом „Шарена чешма“ на надморска височина од 1276м, каде младите се сплотија стекнаа нови пријателства и научија вештини за спасување на планина’’ објавија од општинската организација на Црвениот крст од Струмица

Освен што стекнуваа нови знаења и вештини младите од Македонија, Бугарија и Србија имаа можнст преку четиридневното дружење да ги откријат и запознаат убавините на Беласица но и да го искачат Ѕвездениот врв.

Фото ОО Црвен крст Струмица

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.