МВР отвори бесплатна линија за анонимно пријавување журки и прослави, за да се спречи групирања за празниците

358

Министерот за внатрешни работи Оливер Спасовски ги повика граѓаните на бесплатниот телефонски број 0800-00-201 да ги пријават сите организирани настани и прослави и на тој начин да бидат партнер во спречување на ширењето на вирусот.

,,Во насока на доследно и целосно почитување на уредбите односно мерките и активностите за справување со пандемијата со коронавирус, МВР ги информира граѓаните дека е ставен во функција бесплатниот телефонски број 0800-00-201  и меил адресата mvrinformaciiuslugi@moi.gov.mk, на кои граѓаните анонимно можат да пријават групирање и организирано прославување во текот на претстојните празници.  Имено, граѓаните можат да пријават (локација) и недозволено собирање на луѓе спротивно на мерките пропишани  за справување со пандемијата,, стои во информацијата од МВР

Како министерство најавија дека за време на новогодишната ноќ ќе има засилени контроли низ целата држава со акцент во трустичките локалитети и места каде се закупија добар дел од викендиците и каде се очекува поголеми групирања за дочекот на Нова година

,,МВР во пресрет на претстојните празници уште еднаш апелира до граѓаните да се воздржат од групни собирања  и прослави, да ги почитуваат мерките на Владата, а се со цел заштита на индивидуалното и јавното здравје. #ПразнувајОдговорно’’ соопштија од МВР

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.