Македонските граѓани во Грција може да влегуваат од 1 јули и тоа преку Евзони, јавија грчките власти

2097

Македонските државјани во Грција ќе можат да влегуваат од 1 јули и тоа преку граничниот премин Евзони односно Бгородица а не од 15 јуни како што претходно пишуваа медиумите. Грчкиот министер за туризам Харис Теохарис изјави дека Македонија ќе биде исклучена од првата фаза на отворањето на границите за странците на 15 јуни, кога Грција ги отвора границите кон Бугарија.

,,Во однос на копнените пристигнувања, од 1 јули имаме укинување на рестрикциите за Албанија и Северна Македонија, доколку сè оди добро’’ рекол министерот за туризам на Грција Харис Теохарис во пресрет на туристичката сезона.

Иако во Грција од понеделник официјално стартува туристичката сезона, но копнените граници со Македонија, Албанија и Турција ќе останат затворени до 30 јуни годинава, со исклучок на апсолутно неопходните службени патувања.

Сите туристи кои по 1 јули ќе пристигнат во Грција, ќе треба да имаат пополнет формулар (Passenger Load factor) со податоци за нивните контакти во Грција, ќе се спроведуваат тестови по случаен избор, а евентуалните позитивни случаи ќе бидат 14 дена карантин во хотел-карантин.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.