,,Кој нема нека земе, кој има нека остави’’ – Општина Ново Село постави пункт за помош на свои сограѓани

3154

Општина Ново Село денеска во дворот на општинската зграда постави импровизиран пункт со прехрамбени артикли за да им помогне на своите сограѓани кои немаат доволно извори за храна во овие услови на коронакриза. Беше поставен зеленчук конзервирана храна но и повеќе видови кондиториски производи. Акцијата ја насловија ,,Кој нема нека земе, кој има нека остави’’ преку која сакаа жителите од ова општина меѓусебно да си подадат рака и да си помогнат во овие услови на здравствено-економска криза, предизвикана од вирусот КОВИД-19.

Од општината информираа дека како локална самоуправа и досега помагале на граѓаните од социјално ранливите категории од прогласувањето на вонредната состојба. Со сопствени средства но и со помош од повеќе правни и физички лица се донираа намирници за подготовка на храна но и пакети со прехрамбени и хигиенски артикли.

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.