Костадинов ги повика жителите на Општина Валандово да достават предлози и заеднички да го креираат Буџетот

1026

Првиот човек на општина Валандово, Перо Костадинов ги повика жителитe на општина Валандово да учествуваат во креирањето на Буџетот за идната година, преку пополнување на онлајн прашалник  каде може да ги наведат кои се приоритетите за решавање догодина. Своите предлози, идеи граѓаните на Валандово и населените места од општината, освен преку анкетниот прашлник може да ги достават и преку апликацијата мЗаедница која преставува нова алатка  преку која граѓаните може партиципираат во носењето на локалните политики.

Жителите ќе мора во анкетниот прашалник да посочат која област според нив е приоритет дали тоа е водовод и канлизација, улица патишта и тротоари, улично осветлување, собирање на смет, паркови и зеленило, кучиња скитници, дивоградби, екологија, спорт, култура ……  и во кратки црти да го објаснат проблемот, предлогот или идејата за една од веќе наведените области.

,,Општина Валандово го изработува Буџетот за 2022 година. Со цел поголема вклученост на граѓаните воведуваме две електронски алатки за комуникација. Создаваме граѓански Буџет и го вклучуваме секој еден човек од заедницата. Сите доставени предлози ќе бидат разгледани при изработката на Буџетот за 2022 година,, стои во информацијата од општина Валандово

Анкетниот прашалник може да го видите ТУКА или пак преку аплиацијата мЗаедница на овој ЛИНК

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.