Костадинов вети буџетски средства за дијабетичарите во Струмица за набавка на ортопедски помагала

338

Градоначалникот на Струмица Костадин Костадинов на членовите на Здружението „Гликоза“ им вети дека во Буџетот за идната година ќе планираат средства кои ќе бидат наменети за ортопедски помагала за ова категроија на граѓани . Ваков одговор даде првиот човек на општината кој синоќа присуствуваше на одбележувањето на Светскиот ден на дијабетесот и 100 годишнината од користењето и употребата на инсулинот. Инаку средствата ги побараа за набавка на специјализирани ортопедски обувки кои ја третираат или спречат ,,дијабетско стапало”

,, Во тек е креирањето на Буџетот  се надевам дека ќе успееме да планираме средства за таа намена, доколку не со првиот ребаланс на Буџетот. Како што кажаа членовите а Гликоза станува збор за специјализирани обувки кои може да третираат и да спречат ,,дијабетски стапала’’ кај децата но и кај повозрасните за што ќе помогнеме и да се изработи локален регистар на дијабетичари,, кажа Костадинов

Гликоза Струмица најави дека ќе изработи регистар на дијабетичари, со нивната старосна структура и каков вид терапија примаат. Како што кажа Владо Златковски, претседателот на здружението, во овој регион нема соодветна база на податоци која би била во функција на поголема грижа за оваа категорија граѓани, но и за помош и поддршка при набавка на ортопедски помагала.

„Најважно е да се едуцира населението за болеста. Располагаме со информација дека најмалку 100 деца се инсулински зависни од тип 1 и имаат одредени потреби за лекување. Но, за жал, немаме соодветен регистар на локално ниво. Треба да направиме база која ќе биде во склоп на националната, за да може државата да има увид колку лица имаат дијабетес и каков тип и на кој начин да се интервенира“, кажа Златковски.

Здружението Гликоза одбележувањето на Светскиот ден на дијабетисот 14 ноември го отпочна со едукативно предавање за болеста ,,дијабетско стапало,, која може да предизвика сериозни проблеми кај пациентите. Во Струмица има околу 6 000 дијабетичари и се претпоставува дека најмалку 100 деца се на инсулинска терапија.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.