Во трите средни училишта во Струмица во следната учебна 2023/2024 во прва година може да се запишат 1 225 ученици во Гимназисоко образование и 11 струки. Во СОУ ,, Јане Сандански“ во прва година може да се запишат 356 ученици во 11 паралелки од кои 7 се во Гимназиско и 4 паралелки се Економска – правна и трговска струка каде две паралелки се од по 25 ученика во соработка со фирми. 
Во СОУ ,, Димитар Влахов“ Струмица може да се запишат 379 ученици во 13 паралелки и тоа во Земјоделско – ветеринарна струка со пет образовни профили, Хемиско – технолошка струка со три профили, Здравствена струка исто така со три профили и една паралелка за болничар – негувател со струмичката болница тригодишно образование а тригодишно е планирано и една паралелка од Угостителско туристичка струка . Во ова училиште исто така има профили кои ќе се изучуваат во соработка со фирми како дел од дуалното образование.
Во прва година во СОУ ,,Никола Карев“ може да се запишат 490 ученици во 16 паралелки од кои дел се од дуалното образование во соработка со локални компании. Најмногу може да се запишат на Електротехничка струка и Машинска струка каде идните средношколци ќе имаат избор за 4 образовни профили. Во Текстилно – кожарската струка ќе има две паралелки, во Сообраќајна струка три , во Градежно – геодетска две паралелки и една во Шумарско – дрвенопреработувачката струка.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
