КБК ,,Тим Зоран’’ од Струмица на Европски Куп во Хрватска, Спасов очекува медали од кикбокс надежите

842

Кикбоксери од клубот „Тим Зоран“ од Струмица ќе ја преставуваат Македонија на Европскиот Куп „Карловац Опен 2020“ каде ќе земат учество околу 2000 млади натпреварувачи од 40 тина земји од светот. Купот започнува утре и ќе трае до 9 февруари каде девет млади струмичани ќе се обидат да го презентираат македонскиот кикбокс во најдобро светло

Станува збор за осумгодишниот Александар Арапов, деветгодишните Драган Пандев, Ристе Чавков и Ана Стојанова, потоа Андреј Трајков и Јован Чавков кои имаат по 10 години Бранко Пандев 11, Александар Делиевски 12 и Славе Делиевски 16 години. Сите тие ќе се натпреваруваат во Кик Лајт со противници согласно нивната тежина.

,,Децата се максимално подготвени и ги очекуваме првите противници. Познавајки го нивниот квалитет очекувам медали на овој Европски КУП кој договодина ќе влезе во рангот на светските кикбоскерски натпреварувања,, изјави за Дрнка.МК Зоран Спасов

Ќе учествуваат борачи од Хрватска, Шпанија, Грција, Бугарија, Русија, Израел, Бразил, Индија, Алжир, Тунис, Египет, Порто Рико, Еквадор, САД а покровител на овој турнир е претседателката на Хрватска, Колинда Грабар – Китаровиќ, Хрватскиот олимписки комитет и Централниот државен завод за спорт и општината Карловац, а клубот „Тигар“ е организациски партнер на спортската заедница од Карловац.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.