Кај Дојран откриени 42 мигранти, возачот скокнал и избегал од камионот кој удрил во службено возило на МВР

1207

Утрово на излезот од Стар Дојран полицијата откри 42 мигранти во товарно возило со штипски регистарски ознаки. При сопирањето на возилото, возачот и совозачот избегале од тоарното возило кое било во движење кое пак удрил во службеното возило на МВР. Инцидентот се случил во населбата Карач околу 1 часот по полноќ, соопшти МВР

,,На излез од Стар Дојран, во нас.Карач, полициски службеници од Рeгионален центар за гранични работи Југ во товарно возило влекач „ман“, со штипски регистарски ознаки со приколка, пронашле 42 мигранти (41 од Сирија и 1 од Бангладеш), кои  биле предадени за понатамошна постапка, по што ќе бидат спроведени до Прифатно-транзитниот центар „Винојуг“ Гевгелија. Имено, откако возачот и совозачот на товарното возило ги забележале полициските службеници, скокнале од возилото во движење и избегале, а возилото се вратило назад и удрило во службено возило на МВР. Повредени лица нема, а увид извршила увидна екипа од Полициската станица Гевгелија,, соти во информацијата на МВР

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.