Идната година треба да биде готов системот за наводнување од брана Чаушица во општина Босилово

2504

Идната година треба да биде готов системот за наводнување од брана ,,Чаушица’’ во општина Босилово кој ќе ја покрива територијата на населените места  Дрвош и Хамзали. Станува збор за хидросистем во рамките на проектот за изградба на мали нискотрошковни еколошки прифатливи системи за наводување што го финансира ЕУ. Со истиот систем се очекува да се реши проблемот со наводнување на површините над каналот Турија за потребите на Агролозар но и за наводнување на обработливите површини во атарите на населените места  Дрвош и Хамзали.

,, Ова брана која е со капацитет од 220 илјади кубни метри вода е изградена во време на Југославија за потребите на тогашен ЗИК кој беше во државна сопственост, но оваа акумулација никогаш не била искористена за наводнување и водата се истекуваше преку преливникот во реката. Со овој проект на ЕУ која додели грант од 460 илјади евра ќе треба да се изгради систем за наводнување од 6,5 километри. Треба да се наводнуваат околу 85 хектари обработливо земјиште. Системот ќе биде затворен со хидранти. Едениот дел ќе бида за Агролозар а другиот за атарите на овие села,, кажа пред извесен период градоначалникот на Босилово Зоран Зимбаков

Областа Чаушица се наоѓа на територијата на селото Дрвош и Хамзали, во општина Босилово. Изградбата на новиот систем за наводнување во овој регион ќе опфати наводнување на околу 85 хектари земјоделско земјиште над главниот канал Турија. ЕУ освен изградбата на хидросистемот Чаушица во Босилово преку овој проект за мали нискотрошковни и еко хидросистеми финансира изградба на хидросистемите Славишко Поле во Ранковце и Колибари во Кичево а предвидена е изработка на проектна докуменцијата за изградба и на други 8 мали системи за наводнување во државата.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.