Играорци од ФА Цветови од Дедино општина Конче, ќе го презентираат македонскиот фолклор на Фестивал во Шпанија

1268

Членови од Фолклорниот ансамбл ,,Цветови’’ од Дедино – општина Конче заминаа на фестивалот ,, Алегрија’’ во  Шпанија каде ќе го преставуваат македонскиот фолклор. Станува збор за интернационален фолклорен фестивал каде учествуваат ансамбли од повеќе европски држави. Фестивалот се одржува во малата општина Калелја на 60 тина километри од Барселона кој има за цел да ги презентира културното наследство на секоја држава, преку традиционалните автентични ора, оригиналните костими и изворна музика на секоја земја

,, Според програмата треба да имаме најмалку три вечерни настапи на овој фестивал на кој учествуват ансамбли од цела Евраопа со повеќе од над 1800 учесника. Ќе се преставиме со повеќе кореографии преку кои ќе го презентираме македонскиот фолклор, нашите традиционални ора, народните носии, односно македонското културно наследство. Досега сме настапувале во Полска Турција, Франција, Русија и веруваме дека достојно ќе се преставиме и на овој фестивалот ,,Алегрија’’ кој нема натпреварувачки карактер“, ни изјави Мартин Илиев од ансамблот ,,Цветови’’од Дедино.

Учеството на Фолклорниот Ансамбл ,,Цветови’’ од Дедино во Шпанија е со поддршка на општина Конче, Советот и градоначалникот Благој Илиев за што од овој ансамбл упатија огромна благодарност. Благодарност упатија и до сите правни и физички лица кои ја помогнаа реализацијата на овој проект  за промоција на македонското културно наследство во Шпанија

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.