Голем интерес за субвенции за купен нов велосипед во општина Струмица, за 5 дена доставени 80 барања

252

Вкупно 80 струмичани  доставиле барања до општина Струмица за добивање субвенции за набавен нов велосипед во рамките на Јавниот повик што го распиша општината на 30 ти март. Станува збор за мерка со која општина Струмица субвенционира 50 одсто од вредноста на купен нов велосипед но не повеќе од 4000 денари. Велосипедите треба да бидат набавени после 30 ти март а заинтересираните граѓани со барањата и фискалните сметки ќе мора да аплицираат во општината. Јавниот повик ке трае се до искористување на средствата во висина од 800 илјади денари што ги има обезбедено општината  што значи дека со ова мерка ќе бидат субвенционирани околу 200 струмичани што ќе набават нов велосипед

,, Сите што ќе ги исполнат условите се известуват од страна на Комисијата која ги разгледува барањата. Кога ќе стасаме до бројка од околу 150 апликации ќе ја информираме јавноста уште колку средства остануваат, бидејки субвенциите се делат по принципот прв дојден, прв услужен,, сооопштија од општината

Станува збор за субвенции кои ќе бидат наменети на лица-семејства кои купиле велосипед од 30 ти март до 29 ти април но не смеат да бидат корисници на субвенција по овој основ за последните две години ниту пак да бидат вработени во општината или пак во и трите јавни претпријатија ЈПКД Комуналец, Струмица Гас и ЈП Паркиралишта

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.