За 12 гевгеличани се бараат казни од по 1000 евра оти во полициски час се движеле без дозвола

5029

Како што објави Основното јавно обвинителство од Гевгелија, против 12 лица е подигнато обвинение кои во одделни кривично правни настани, сториле кривичното дело – Непостапување според здравствени прописи за време на епидемија. Станува збор за кривично дело од член 206 став 1 од Кривичниот законик.

Според објавеното сите тие не ги почитувале мерките и одлуките за забрана на движење на населението, па за време на полицискиот час без дозвола, пеш или со возила  се движеле низ градот.

За  обвинетите, обвинителството со предлозите за издавање казнени налози побара од судот да им изрече парични казни во износ од по 100 дневни глоби, секоја од нив висина од по 10 евра во денарска противвредност.​

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.