Под Смоларскиот водопад се оддржа деветиот Фестивал на смоларскиот костен каде преку песна оро и специјалитети од костени се промовираше ова коскесто овошје кое го има во огромни количини на планината Беласица а смоларскиот се смета за најквалитетен и највкусен. Посетителите уживаа во културно уметничката програма и дегустираа печени костени но и специјалитети направени од вредните домаќинки од ова овошје. Паралелно беа понудени и традиционални специјалитети познати за подбеласичкиот регион.
Сите тие побараа да се заштити смоларскиот костен но и да се бредира во функција на локалниот економски развој. Од општина Ново Село потврдија дека се работи на таа иницијатива со цел да се искористат предностите на планината Беласица и смоларскиот костен како автохтоно овошје
Фестивалот на Смоларскиот костен го организираше на Домот на културата Јане Сандански од Ново Село чии фолклорни групи имаа свои настапи со поддршка на општината и градоначалникот Никола Андонов. Годинава овој фестивал имаше и хуманитарен карактер. За дегустрација на печените костени и специјалитетите од костен се донираа средства кои ќе бидат наменети за помош на лица кои им е неопходна
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
