Женскиот фудбалски клуб Тиверија од Струмица испрати реакција и побара образложение по тренерските смени во женските фудбалски селекции. Од таборот на струмичани прашуваат зошто нивниот тренер е избришан од стручниот штаб на У17-тимот, каде ќе работи Катерина Милевска.
Еве што стои во известувањето
,,Женскиот Фудбалски Клуб Тиверија наредниот месец ќе прослави десет години постоење. Нашиот клуб е постојано при врвот на првата женска фудбалска лига, неколкукратен младински и кадетски шампион на Македонија, освојувач на Куп-трофеј и учесник на многу турнири во и надвор од државата. Во целиот тој десетгодишен период посветуваме особено внимание на правилен развој на помладите фудбалерки. Доказ за тоа е и листата на повикани фудбалерки во селекциите У-15, У-17, У-19 па се до сениорската репрезентација на Македонија, која брои и до 26 фудбалерки
БАРАМЕ образложение зошто нашиот тренер Славе Велков кој е долгогодишен тренер во репрезентацијата до 17 години покрај успехот со својот клуб и поседувањето на УЕФА А лиценца без никакво образложение беше избришан од стручниот штаб на У-17 репрезентацијата? Зошто тренерот Славе Велков не е доволно добар да биде дел од стручниот штаб, а истиот тој е добар да направи дури шест фудбалерки кои добија повик за собирот од 14 до 20 август од вкупно 20 повикани фудбалерки?
Господа од ФФМ, тој е истиот СЛАВЕ ВЕЛКОВ на кој пред 3 години ВИЕ му доделивте признание за особен допринос за развојот на женскиот фудбал во Македонија. Господа од ФФМ, тој е истиот СЛАВЕ ВЕЛКОВ чии кадетско-младински екипи имаат скор од 80 победи од 85 натпревари во последните 6 години откога се организираат младинските лиги.
Дали Фудбалската Федерација има некаква намера во тоа да после судиите и делегатите од ОФС Струмица, се изостават и сите тренери и спортски работници од овој крај? Покрај се женскиот фудбалски клуб Тиверија Струмица ја известува јавноста дека ваквите удари нема да не сопрат, напротив ќе не направат уште посилни. Нашите млади фудбалерки кои дефинитивно поседуваат квалитет ни даваат до знаење дека работиме правилно и мотив да продолжиме уште појако,, стои во известувањето на ЖФК Тиверија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
