Во Гевгелија се одржа првиот Велотлон откако АМД ,,Дичо Панов“ во соработка со Гевгелија Точак клуб и Општина Гевгелија преку проект во месноста Курија кај Негорски Бањи изгради „офф роуд“ патека во должина од 4,750 метри. Околу 50 тина натпреварувачи од 12 градови од земјава се натпреваруваа во возење на велосипед, совладување на препреки и трчање по ридска патека – настан што привлече и голем број гости од државата.
,,Целта на проектот што го реализираме е промоција на велосипедизмот преку искористување на климатските и теренски погодности за негова поголема промоција, стекнување на здрави животни навики кај младите, зголемување на економската активност на општината преку туристичко ориентирани услуги кон велосипедизмот и развој на Гевгелија како Friendly bike city општина,, ни изјави Виктор Гавровски од АМД Дичо Панов
Првото место го освои Даниел Анчев, втор беше Мите Досков, додека третото место му припадна на Влатко Семенаков. За првите тројца беа обезбедени и парични награди, во износ од 15, 10 и 5 илјади денари.
Инаку, Проектот „Гевгелија Вело град“ се спроведува во рамки на програмата за локална демократија во Западен Балкан 2 – ReLOaD2, која е финансирана од Европската Унија, а ја спроведува Програмата за развој на Обединетите нации (УНДП).
Градоначалникот на Општина Гевгелија, Андон Сарамандов, прогласувајќи го натпреварот за отворен , им честиташе на организаторите, а во своето обраќање се осврна на тоа дека покрај другите спортски настани кои се организираат преку целата година во општината, и овој натпревар, Гевгелиски велотлон ќе придонесе за збогатување на туристичката понуда на Општина Гевгелија, со тенденција тој во иднина да прерасне во традиција, и да се одржува повеќе денови.
Велосипедската патека, која инаку е дел од проектот Гевгелија Велоград, во иднина ќе може да ја користат сите граѓани, не само за возење велосипед туку и за пешачење, трчање, како и за рекреирање со совладување препреки.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
