Во Струмица се отворија зелените пазари за продажба на зеленчук но под посебни контролирани услови

626

Во Струмица се отвораат зелените пазари за продажба на земјоделски производи но со посебни услови за работа заради вирусот Ковид 19, информираше  Општинскиот штаб за заштита и спасување на општина Струмица. Отворањето доаѓа по барање  на раноградинарите кои деновиве од локалните самоуправи и министерствата, побараа отворање на пазарите под контролирани услови каде ќе можат да ги понудат произведените количини со лути пиперки и пролетна зелка со оглед на отежнатиот пласман на зеленчук од струмичкиот регион заради глобалната пандемија со коронавирус.

Во Струмица се отвора пазарот на големо за зеленчук но и зелените пазара со кој стопанисува ЈП Комуналец. На пазарите ќе има приуство на редари а од продавачите ќе се бара носење заштитни маски и ракавици

,,Јавното претпријатие за комунални дејности „Комуналец“ врши постојана дезинфекција, а постави и редари за максимално почитување на посебните услови. Тоа значи дека сите продавачи треба да носат заштитни маски и ракавици, а истите заштитни мерки важат и за купувачите’’, стои во информацијата од општина Струмица

Инаку раноградинарите од струмичко Банско алармираа за отворање на зелените пазари во земјава и истите да работат под контролирани услови. Според нив потребно е надлежните треба да размислат и за издавање на посебни дозволи за транспорт на зеленчукот за продажба од еден до друг пазар, бидејки со тек на времето стасува производството а пласманот со затворањето е се потежок.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.