Утрово на улицата Младинска во Струмица избувнал пожар во просторија со котел за парно греење од семејна куќа заради што интервенирала екипа од ТППЕ Струмица која успеала навреме да го локализира и да не дозволи пожарот да се прошири. Пожарот кај струмичката противпожарна еднициа бил пријавен во 05:45 часот од каде со едно возило и пет пожарникари веднаш излегле на терен.
,,Утрово на ул.Крушевска Република, ТППЕ Струмица со 1 ПП возило и 5 пожарникари – спасители интервенираше на гасење на запалена просторија со котел за парно греење. Благодарение на навремената дојава од страна на сопственикот и брзата интервенција на ТППЕ Струмица, пожарот е успешно локализиран и ликвидиран. Спречено е негово ширење на погорните катови од куќата и соседите објекти,, стои во објавата на струмичките пожарникари
Пожарникарите апелираат до граѓаните да внимаваат и правилно да ги употребуваат огништата, посебно тие кои се затоплуваат со огревно дрво и доколку се појави пожар веднаш да ја алармираат ТППЕ Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
