Кирил и Билјана Ахтарови ќе го предводат дефилето, избрани за принц и принцеза на Струмичкиот карневал 2019

132

Брачниот пар Кирил и Билјана Ахтарови ќе го предводат карневалското дефиле по струмичките улици, откако на големиот маскенбал во хотелот Сириус беа избрани за принц и принцеза на Струмичкиот карневал 2019.

Облечени како фламингоси, брачниот пар Ахтарови  ги освоија симпатиите на организациониот одбор на карневалот но и присуните на забавата под маски во хотелот Сириус и ја добија довербата заедно со нивната група по втор пат да бидат на чело на поворката која годинава ќе брои околу 1800 учесници од земјава но и од ссоедна Бугарија, Албанија, Србија, Црна Гора, Хрватска, Турција и Германија

,, Не ја очекувавме наградата принц и принцеза, но штом одлучија организаторите да ни ги доделат тие улоги, ни преставува чест и привилегија да го предводиме карневалското интернационално дефиле. Инаку по втор пат од нашата карневалска група се избира принцот и принцезата што значи дека нудиме квалитетна и интересна маска. Според она што го видовме на маскенбалот, мора да признаеме дека и годинава ќе имаме квалитетно карневалско издание,, кажаа Ахтарови кои добија медаљони од струмичкиот карневал а првите честитки стасаа од првиот човек на општината Коста Јаневски

Струмичкиот карневал почнува во 18 часот и 30 минути. Дефилето ќе започне од кружниот тек кај пошатата. Ученсниците се движат до општинската зграда,  од каде тргнуваат по струмичкото корзо до плоштадот каде ќе ги изведуваат своите карневалски точки ….

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.