Ликовниот уметник Александар Филев и неговата сопруга Ана од Струмица продадоа две уметнички дела масло на платно за 60 илјади денари за настраданите од земјотресот во Турција и Сирија. Тие делата ги понудија на социјалните мрежи под услов купувачите парите да ги уплатат во Фондот за солидарност на Црвениот крст за помош на населението од критичните делови во овие две држави.
Станува збор за дела со димензии мета 100×80 сантиметри кои брачниот пар Филеви ги имаат изработено последниве години. Првата насловена ,,Мртва природа“ од Александар а втората „Охридска куќа“ изработена од неговата сопруга Ана беа продадени за неполн час по нивните објави а сопствениците веќе ги доставија потврдите за уплатените средства во Црвениот крст.
,,Го направивме тоа од срце.Во вакви ситуации треба да си помагаме. Досега имам донирано повеќе од 20 дела за хумани цели ,, кусо ни одговори уметникот Александар
Од Струмица вчера за Турција заминаа осум пожарникари кои треба да се вклучат во акцијата за пронаоѓање и спасување жители кои останаа под урнатините од силнито земјотрес во Југоисточна Турција.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
