Активен пожарот на Готен кај Нивичино, заради непристапност се бара гаснење со армиски хеликоптер

333

Како последица на пожарот кој настана во атарот на село Нивичино и истиот се шири кон теренот на Берово, денес беше одржан состанок со претставници на општина Василево, ПШС Беласица Струмица, СВР Струмица, Дирекција за Заштита и Спасување, Центарот за Управување со Кризи, ТППЕ Струмица и ЈПКД Турија.Денес екипи од ТППЕ Струмица, ЕЛС Василево и ПШС Беласица Струмица беа на терен со цел да ја смират огнената стихија.

Градоначалникот на општина Василево заедно со претставник од СВР Струмица, извршија увид на местото на пожарот и заради непристапноста на теренот за против пожарни и теренски возила се одлучи за следново на состанокот:

-Потребно е дејство на армиски хелихоптер во текот на утрешниот ден во раните утрински часови

-Одговорно лице за координирање на активностите околу гасење на пожарот и дејството од воздух ќе биде лице од ТППЕ Струмица

– Постојана комуникација и координација со ангажираните сили и средства од општина Берово и шумско стопанство од Берово

-На местото на пожарот присутните лица ќе бидат ангажирани за правење на пресеци и други дејства од раководителот на акцијата за гасење на пожарот

– Во гасењето на пожарот ќе се вклучат сили од следниве институции: ЕЛС Василево, ПШС Беласица Струмица, ТППЕ Струмица, СВР Струмица, Ловно друштво Фазан Василево и месното население

ТППЕ Струмица објави дена на планината Готен над с.Нивичино место викано Калинско присое излегло со 1 ПП возило и 4 пожарникари-спасители, каде што гори букова, дабова и габерова шума и лисната маса. Пожарот е на недостапен терен и неговото гаснење е доста отежнато. Акцијата за негово гаснење ќе продолжи во раните утрински часови со координирано заедничко дејствување на екипи од ТППЕ Струмица, ПСШ Беласица Струмица, ЕЛС Василево, МВР СВР Струмица, Ловно друштво Фазан Василево и месно население. Се очекува подршка од воздух од армиски хеликоптери.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.