KK Струмица во сабота во СОУ ,,Никола Карев’’ игра против ТФТ Скопје за превземање на првото место во Втората лига

2212

Викендов продолжуваат натпреварите од Втората кошаркарска лига каде што вниманието го привлекува мечот во Струмица каде се среќаваат двете најдобри екипи од источното друштво. Станува збор за меч од осмото првенствено коло, во кое мегдан ќе поделат домашната Струмица и гостинскиот состав на ТФТ од Скопје. Мечот е закажан во сабота на 1 ви февруари во спортската сала при СОУ ,,Никола Карев’’ со почеток во 16 часот и преставува дерби за превземање или потврда на лидерската позиција.

Екипата на ТФТ од Скопје кои има натпревар повеќе, без пораз се на лидерската позиција додека екипата на Струмица со еден пораз се втори, заедно со Феникс 2010. Овие три екипи водат ,,мртва’’ трка за освојување на лидерското место кое носи полесен противник од западното друштво во бробата за влез во Првата кошаркарска лига. Струмица има несреќен пораз во Велес, но во сите остнати мечеви покажа квалитет и потенцијал за високи дострели .

Според најавите од клубот, екипата е подготвена за саботното дерби во кое струмичани очекуваат поддршка од публиката во желбата да се оствари уште една победа. Тренерското трио Зетов, Цикарски и Настев ќе ги имаат на располагање сите кошаркари со кои играа во есенскиот дел, кои треба да дадат максимум и му го нанесат првиот пораз на ТФТ.

Втората кошаркарска лига Исток брои 9 екипи. Четирите најдобри од источното и западното друштво обезбедуваат Плеј офф за двата билета за Првата лига. По пауза од неколку сезони Струмица повторно ја врати кошарката во сениорска конкуренција на општо задоволство на лубителите на кошарката во градот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.