Здружението „CHANGEMAKERS“, во соработка со ЈП Национални шуми-Шумско стопанство „Кожув“ утре ќе спроведат акција за пошумување кај Новата депонија кај Ново Конско. Како што не информираа од Здружението, акцијата ќе се спроведе на веќе подготвен терен од страна на Шумското стопанство – Кожув. Таа се протега на површина од половина хектар а според најавите од здружението ќе бидат посадени околу 4.000 садници на црн бор и багрем.
Од Здружението апелираат до сите граѓани, невладини организации и здруженија кои сакаат да земат учество во оваа акција, треба да дојдат во петок, на 4 март, во 8,30 часот пред црквата во изградба кај Ново Конско. Доколку временските услови бидат неповолни, акцијата ќе биде организирана во друг термин за кој Здружението „CHANGEMAKERS“ дополнително ќе ги информира сите заинтересирани.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
