Полициските службеници при СВР Струмица кои го покриваат Југоисточниот регион во последните 24 констатирале дека 65 граѓани од овој дел на државата не се придржувале кон уредбата за носење лична заштита на лицето. Како што стои во известувањето од СВР Струмица забележани се прекршувања во речиси сите градови од овој дел на државата но најмногу во Гевгелија каде за последното деноноќие евидентирани се 30 лица без заштини маски и против нив ќе има соодветни мерки.
,, Во текот на изминатото деноноќие според статистиката на МВР за периодот (14/15.06.2020) по однос на уредбата за задолжително носење заштита на лицето, евидентирано е дека на ниво на Секторот за внатрешни работи Струмица 65 лица, од кои 30 на подрачјето на Гевгелија, 19 на подрачје на Струмица, 10 во Валандово и 6 на подрачје на Радовиш не ја почитувале истата и ќе следуваат соодветни мерки,, стои во информацијата од СВР Струмица
Според донесената владина уредба граѓаните кои нема да носат опрема за лична заштита на лицето ќе бидат прекршочно казнети од по 20 евра додека за правните лица кои дозволуваат во нивните простории да има физички лица без заштита казната изнесува 2000 евра. Уредбата беше донесена при крајот на април а со санкциите стапи на сила од 1 мај.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
