Вкупно 26 граѓански организации, движења и иницијативи од земјава бараат од Владата итно да ги повлече распишаните јавни повици за доделување концесии за проспекциски геолошки истражувања за металични минерални суровини. Станува збор за повици од декември минатата и јуни оваа година со кои Владата упатува повик до заинтересиранитекомпании да достават барања за истражувања на подрачјата на Север, Североисточна и Источна Македонија со цел да се утврди дали има и во кои количини металични суровини.
Барањето за повлекување на концесиите, граѓанските организации го објаснуваат со фактот што во најголем дел од општините од предложените подрачја веќе се вршело геолошки истражувања за металични истражувања односно имало издадено концесии. Со новите повици од страна на Владата од декември лани и јуни годинава го крши Законот за минерални суровини оти таму веќе се вршеле геолошки истражувања наведуваат оргнизациите
,, Со тоа се повредува член 7-а став (2) од Законот за минерални суровини, кој забранува проспекциски истражувања на веќе истражени простори, простори за кои се води постапка по иницијатива за доделување на концесии за детални геолошки истражувања, веќе доделени простори под концесии за вршење на детални геолошки истражувања, концесии за експлоатација на минерални суровини“, стои во барањето.
Во анализата што ја приложуваат организациите се наведува дека од 2004 година досега со различни видови концесии биле опфатени речиси целосни територии на повеќе општини. Така, околу 100 проценти од териториите на Пробиштип, Делчево и Карбинци биле предмет на концесии, 97 проценти од Пехчево, 94 проценти од Чешиново-Облешево, 89 проценти од Кратово, 87 проценти од Зрновци и Виница и 86 проценти од Радовиш.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
