26 фирми од Струмица, Гевгелија, Радовиш и Валандово зеле пари од државата ама не исплатиле плати на работниците

12880

Вкупно 26 фирми-даночни обврзници од Југоистокот односно од Струмица, Гевгелија, Радовиш и Валандово зеле помош од државата за да исплатат плати на вработените заради коронакризата, но парите не стасале кај работниците. Според информациите што ги добивме од Управата за јавни приходи станува збор за 9 фирми од овој дел на државата што зеле пари а не дале плати за месец АПРИЛ и 17 фирми  што добиените средства од државата за МАЈ не ги пуштила  на сметките на работниците што работат кај нив.

Од УЈП не конретизираа за кои фирми станува збор и од кој сектор се . Не прецизираа ниту колку вработени ,,извисиле’’ со недобиени плати а парите во висина од 14 500 денари по работник завршиле кај работодавачите.

За Април 2020 За Мај  2020
6 фирми се од Струмица 9 фирми се од Струмица
1 фирми се од Радовиш, 2 фирми се од Радовиш,
1 фирми се од Валандово, 3 фирми се од Валандово,
1 фирми се од Гевгелија 3 фирми се од Гевгелија

Вчера директорката на УЈП Сања Лукаревска на прес конференција соопшти дека за арпил во земјава вкупно 281 работодавачи кои примиле финансиска поддршка од државата од прибилижно 10 милиони денари не ја исполниле обрската за исплата на плата на 722 вработени

За месец мај состојбата е уште позагрижувачка. Дури 427 компании не исплаител плата за 984 вработени а добиле финансиска поддршка во износ од околу 13, 7 милиони денари

,,На работодавачите кои користеле финансиска поддршка, а не извршиле исплата на плата доставени им се опомени за неисплатена плата и доколку не извршат исплата во определениот рок, ќе следи спроведување на постапка на присилна наплата на платата. Исто така, Законот за придонеси од задолжително социјално осигурување во ваков случај предвидува изрекување на глоба за сторен прекршок, а работодавачот ќе биде задолжен да ги врати добиените финансиски средства во целост, заедно со камата, во спроведена постапка на УЈП во соработка со Државниот инспекторат за труд,, рече директорката Лукаревска

Државата за да ги ублажи последиците од здравстено – економската криза предизвикана од вирусот ковид-19 донесе мерка за помош на најпогодените фирми да не ги испуштат работниците.

По два дена жестоки реакции на јавноста, Владата го објави списокот  со фирмите кои добиле државна помош а не исплатиле минимална плата на работниците

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.