Последниот полициски час на подрачјето на СВР Струмица кoj вчера почна од 16 часот а траеше до 5 часот утрово, не го почитувал 15 граѓани од Југоистокот. Сите тие ја прекршиле наредбата од страна Владата на РСМ и Министерството за здравство на РСМ за време на епидемија, односно ги прекршиле предвидените забрани за движење во определен период, соопшти СВР Струмица
Според нивното соопштение седум лица се затекнати на подрачјето на Полициска станица Струмица, шест на подрачјето на Полициска станица Радовиш и по едно лице на подрачјата на Полициските станици Гевгелија и Валандово. Во просториите на полициските станици се приведени две лица.
На подрачјето на Секторот за внатрешни работи Струмица се евидирани 15 нови лица во самоизолација, а вкупно се извршени 23 контроли над лица кои со Решение од Државен здравствен и санитарен инспекторат се во домашна изолација и 31 контрола над лица кои се во самоизолација.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
