Струмичката компанија „Антолини Корпорешн груп“ својот бизнис со гранит и мермер ќе го проширува и на американскиот пазар. Првиот човек на компанијата Илија Јанков деновиве во Струмица потпишаа петгодишен бизнис договор со Стојан Бакалов од „Краун Интернешнл Инкорпорејтед“ од САД. Потпис со поддршка на бизнис планот меѓу двете компании стаса и од Аса Хачинсон екс американски конгресмен од Арканзас и влијателен бизнисмен во САД кој има и блиски реалции и со Илон Маск.
Од АНТОЛИНИ Корпорејшн Груп истакнуваат дека договорот претставува важен чекор во нивната стратегија за интернационализација но и зајакнување на економските врски меѓу Македонија и САД. Тие досега биле присутни на европскиот и азискиот пазар а договорот со Бакалов и компанијата Краун Интернешнл Инкорпорејтед носи дополнителен деловен предизвик за македонскиот бизнис сектор.
,,Веќе подолг временски период присутни сме на пазарите во Швајцарија и Германија со извоз на мермер и гранит. Мермерни блокови извезуваме и за Кина каде испорачуваме по стотина камиони месечно. Договорот што го потпишавме а кој доби поддршка и од Аса Хачинсон ја отвара вратата да бидеме присутни и на американскиот пазар и таму да извезуваме блокови мермер и гранит за стамбени згради по соодветени димензии. Се надеваме дека ќе имаме уште повеќе вакви договори кои ќе придонесат за развојот на нашиот бизнис, но и за севкупниот економски напредок на државата,“ вели Илија Јанков прв човек на „Антолини Корпорешн груп“ која полека влегува и во бизнисот со ПВЦ прозорци и керамички плочки.
Јанков посочи дека меѓународната соработка е клучна за понатамошниот развој на неговата компанија за што активно соработува и со бугарската градежна фирма Артекс Инженеринг, со која реализира проекти за изградба на станбени објекти во Софија. Струмичката компанија наскоро ќе отпочне со изградба и на стамбени комплекси во Гевгелија и Скопје.
Имено Стојан Бакалов има долгогодишна соработка со Македонија уште од 2001 година, кога учествуваше во реализација и набавка на полициски возила Крајслер и теренски џипови за полицијата, како и агрегати и камери за граничните премини. Исто така, тој беше советник на екс министертката Доста Димовска .
Аса Хачинсон е еден од најпочитуваните и влијателните американски политичари од времето на претседателот Буш. Своевремено беше и федерален обвинител и силен поборник за почитување на законите.Тој е многу близок со Елон Маск, кој во моментов е една од највлијателните компоненти во владата на американскиот претседател. Хачинсон има слабост кон развојот на иновации и технологии на национално ниво.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
