„Нашиот став останува непроменет, бараме единствено почитување на договорот од 11.08.2026 и не отстапуваме од истиот“. Вака објавиа Млади Муртино по вчерашната средба со министерот Борче Серафимовски во Струмица која траела речиси три часа а на која имало и откупувачи и преработувачи
„Уште на вториот состанок со министерот, кој што се случи на 11.08.2026 ги разбравме потешкотиите со кои што се соочува нашата преработувачка индустрија во овој период и уште тогаш со цело наше разбирање направивме значителна отстапка од нашите првични барања и се договоривме на цени кои што ќе бидат фер и од заедничка полза за сите 3 страни во овие времиња. Така тогаш се постигна договорот за 40, 30, 15ден/кг. (I, I-II/Индустриска, III класа)“ објавија Млади Муртино по вчерашната средба
Тие својот став денеска и официјално му го пратиле на министерот за земјоделство Борче Серафимовски напоменувајки дека Пиперката не може да чека!
Во меѓувреме поддршка на струмичките земјоделци стаса и од премиерот Христијан Мицкоски
„Јас апсолутно сакам да кажам дека како влада ги подржуваме земјоделците и нивните барања и тука нема никаква дилема. Затоа што тие се луѓето коишто не хранат и во оваа година која што е исклучително предизвикувачка кога во неформални кругови се користи терминот, оваа година „треба да се преживее“, ценам дека барањата на земјоделците се легитимни и ние како влада преку механизмите коишто ни стојат на располагање ќе сториме се што можеме за да помогнеме, што впрочем и го покажавме уште кога бевме избрани како влада“, истакна Мицкоски.
Сите текстови за годинашнава голгота на струмичктие земјоделци околу пласманот и откупните цени може да прочитате ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
