На 27.08.2026 околу 13:00 часот на регионалниот пат Р2432, на делницата од крстосницата со ул. „Стив Наумов“ во Струмица до с. Баница, се случила сообраќајна несреќа помеѓу патничко возило „цитроен“ со струмички регистарски ознаки, управувано од К.М.(58) од Радово, струмичко и патничко возило „пасат“ со струмички регистарски ознаки, управувано од Џ.А. (31) од село Баница, струмичко. Во несреќата со тешки телесни повреди се здобил К.М., а со телесни повреди се здобил Џ.А., констатирани во Медицински центар Струмица. Увид на местото изврши екипа на Полициската станица Струмица.
На 28.08.2026 во 00:30 часот во Струмица, полициски службеници од СВР Струмица го лишија од слобода Љ.С.(76) од Струмица, кој држејќи остар предмет во рака агресивно се однесувал кон полициски службеници кои извршувале службени задачи. Тој е задржан во Полициската станица Струмица и за настанот е известен јавен обвинител од Основното јавно обвинителство Струмица. По целосно документирање на случајот, ќе биде поднесена соодветна пријава
На 28.08.2026 во 01:20 часот во Радовиш, полициски службеници од СВР Струмица-ОВР Радовиш го лишија од слобода Ј.А. (25) од Радовиш, постапувајќи по пријава дека околу 01:00 часот во семејниот дом физички ја нападнал неговата 20-годишна сестра. Лицето е здржано во Полициската станица Радовиш и за настанот е известен јавен обвинител од Основното јавно обвинителство Радовиш. По документирање на случајот, ќе биде поднесена соодветна пријава
На 27.08.2026 во 06:00 часот во село Злеово, радовишко, е приведен Б.К. (45) од истото село, кој агресивно се однесувал кон полициски службеници кои извршувале службени задачи. Тој е задржан во Полициската станица Радовиш и за настанот е известен јавен обвинител. По документирање на случајот ќе биде поднесена соодветна пријава.
На 27.08.2026 во 20:40 часот во Гевгелија, полициски службеници го лишија од слобода Ж.В.(62) од Скопје. При контрола во патниот сообраќај, полициските службеници сопреле мопед со скопски регистарски ознаки, кој го управувал Ж.В. и по преземени мерки било констатирано дека го управува без да поседува возачка дозвола. Мопедот е одземен, а за настанот е известен јавен обвинител од Основното јавно обвинителство Гевгелија. По документирање на случајот против лицето ќе биде поднесена соодветна пријава.
На 27.08.2026 во 14:20 часот во Богданци, полициски службеници го лишија од слобода И.Н.(67) од Богданци. При контрола во патниот сообраќај, полициските службеници сопреле мопед со гевгелиски регистарски ознаки, кој го управувал И.Н. и по преземени мерки било констатирано дека го управува без да поседува возачка дозвола. Мопедот е одземен, а за настанот е известен јавен обвинител од Основното јавно обвинителство Гевгелија. По документирање на случајот против лицето ќе биде поднесена соодветна пријава.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
