Десетина камиони со отпад собраа осудените лица кои издржуваат казна затвор во Струмица а се дел од седумдневната акција за почиста животна средина. Тие изминативе три дена по полициски надозро работат на државните патишта во струмичко и го собираат фрланиот отпад од несовесни граѓани и возачи покрај патиштата од Струмица кон Радовиш, Ново Село и Валандово.
Како што е познати 18 осудени лица кои казната затвор ја издржуваат во КПУ Затвор Струмица се вклучија во седумдневната работна акција за почиста животна средина и успешна ресоцијализација преку општествено корисна работа. Работната акција е во согласност со потпишаниот Меморандум за соработка меѓу Управата за извршување санкции и ЈП Македонија пат.
„Ова е уште еден добар пример за ресоцијализација и реинтеграција на осудените лица во заедницата. Со овие работни акции сакаме да упатиме и порака дека треба да се грижиме за животната средина и да не загадуваме . Патиштата се крвотокот на секоја држава и тие треба да бидат чисти а осудениците сега реално видоа што се се фрла од несовесни граѓани. Вакви и слични работни акции ќе има и во иднина секако во соработка и со осудените лица и институциите“ ни изјави Зоран Ристов директор на КПУ Затвор Струмица за акцијата која ќе трае до 20 ти јули
Инаку вклучувањето на осудените лица во општествено корисна работа е редовна практика во КПУ Затвор Струмица. (В. Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
