Вкупно 48 струмичани лубители на спортот и навивачки на ФК Брера Струмица даруваа крв на акцијата што ја иницираше клубот во соработка со Црвениот крст но и Службата за трансузиологија при струмичката болница. Уште во раните утрински часови симпатизери на ФК Брера дојдоа во просториите на СРЦ Пандев за да ја покажат хуманоста но и да се видат со дел од стручниот штаб и фудбалерите на првиот тим
,,Сакавме да го искористиме потенцијалот што го има нашиот клуб кој собира на едно место повеќе граѓани, навивачи и симпатизери и нивната љубов освен кон клубот да ја насочиме и кон подобра иднина на нашата заедница. Затоа ја организиравме ова акција и можам да истакнам дека сум презадоволен од интересот. Се направи една убава симбиоза мегу крводарителите кои се наши симпатизери и навивачи со фудбалерите, тренерите и можеа одблиску да се видат и разговараат на повеќе теми во врска со фудбалот, животот во Струмица. Мислам дека направивме добра работа и за клубот и за Струмица и за граѓаните, бидејки со акциајта ќе помогнеме некому со залихите на крв кои денес се собрани,, рече Јован Симиќ директор на ФК Брера Струмица кој заедно со фудбалерите на сите донори им подарија маици со логото на Брера како и влезници за мечот со Гостивар.
Акцијата ја поздравија и од Црвениот крст Струмица чии волонтери беа присутни во СЦ Пандев. Им преставува посебно задоволство што ФК АП Брера Струмица иницираше хумана акција со цел да се помогне некому.
,, Ни преставува задоволство што спортски клуб како што е ФК Брера Струмица направи една ваква иницијатива и ги повика нивните симпатизери и навивачи да бидат хумани. Изненадени сме од интересот и ова преставува одличен пример како еден спортски клуб може да ја потикне хуманоста и се обидува да направи добро дело за да се спасуваат човечки животи
Од Црвениот крст како и од Службата за трансфузиона медицина соопштија дека ова е една од најмасовните крводарителски акции последниве години што ја имаат спроведено.
ФК АП Брера Струмица изразува голема благодарност до сите кои денеска донираа крв но и до сите вклучени институции кои помогнаа да се реализира во СЦ Пандев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
