Општина Струмица заедно со ЈПКД Комуналец со видео спот ја продолжи кампањата ,,Еко фронт – чиста да ни е’’ – видео во кое се илустрирани нашите постапки кон природата и каква таа треба да ни биде во иднина. Видео спотот изработен од Кире Пиличев и Ѓорги Кончалиев упатува силна порака за грижа за животната средина оти сите подеднакво сме одговорни за здрава и чиста околина.
Дали некогаш сте се запрашале, како сакате да живеете?…На кој начин придонесувам јас за чиста околина?..Кои се моите постапки?… Ова се дел од прашањата кои се наметнуваат во видео пораката која има за цел подигнување на јавната свест дека сите поединечно треба да дадеме свој придонес за да не се гушиме во отпад и да не ги загадуваме водите, шумите и се што ни создала природата
,, Одговорноста за се што ни се случува околу нас е наша….’’ вели во видео спотот епископот Јаков
,, Да ја зачуваме природата за да нејзините убавини ни бидат инспирација….’’ вели Александра Јанева естраден уметник
,, Природата е сведок на нашата љубов и огледало на нашата совест…..’’ вели градоначалникот Коста Јаневски
Еве го видео спотот од Кире Пиличев и Ѓорги Кончалиев со пораките од епископ Јаков, Александра Јанева и Коста Јаневски…….
Општина Струмица заедно со ЈПКД Комуналец, кампањата ,,Еко фронт – чиста да ни е’’ ја започна ова година и со ангажирање на механизација и вработени од комуналното ги чистеше дивите депонии а ги уредуваше и јавните зелени површини како во градот така и во населените места. На акциите се приклучија и повеќе граѓани но и ученици кои го собираа отпадот од излетничко рекреативни локалитети но и местата каде живеат и се школуваат. Паралелно се засилија и инспекциските контроли.
Освен во Струмица акцијата ,,Еко фронт – чиста да ни е’’ се спроведуваше и во населените места каде се собираше расфрланиот отпад, се чистеа улиците, се садеа дрвца за да се упати порака за чиста животна средина
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
