Струмички Комуналец ги чистеше и миеше улиците во Сачево, на терен во смени биле и инспекциите кои казнувале

382

Струмички „Комуналец“ во рамките на акцијата ”Еко фронт – Чиста да ни е ” ги чистеа и миеја улиците во населното место Сачево каде поставуваа и канти за смет, засадуваа дрвца и чистеа канали.  Дел од вработените од ова комунално  го метеа центарот на селото и околните асфалтирани улици , други го чистеа паркчето како јавна зелена површина, додека трети садеа дрвца.

,,ЕКО ФРОНТ е комплексна акција која што има многу повеќе компоненти од колку само чистење на нашата непосредна околина. Ние започнавме со она што беше најгорливо, чистењето на дивите депонии кои што ги има низ целата наша општина. Тоа беше првата провокација и на тоа се надгради еден концепт кој што содржи раззеленување на нашата средина, садење на дрвца, чистење на околината, кампања со правење на спотови за едукација на нашето население, посебно на помладото население, затревнување, хортикултурно уредување, што значи многу компоненти кои што ќе ги содржи овој Еко фронт” кажа градоначалникот Коста Јаневски кој подвлече дека имало  инспекции на терен но не прецизираше колку казни се изречени

,, На терен како дел од оваа кампања, настапуваат и инспекциите кои што работат во повеќе смени и веќе има видливи резултати, изречени се санкции, регистрирани се прекршители на однесувањето кон природата, документирани се и мислам дека сето ова ќе даде резултати, рече градоначалникот Јаневски.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.